هيه تبغى ترفع ضغط المشرف ههههه بس لا يدخل المشرف ههههههه

عزيزي العضو اللي ودهـ يرفع عداد المشرفين
يتبـع التعليمات التالية وسيجد نفسه مطرود مع التحية

:: أولا ::
أدخل آي منتدى واكتب أي موضوع ما اله أي دخل في المنتدى <--- الموضوع في وادي والمنتدى في وادي ثاني ...
مثال ---> اكتب طلب أنشودة وضروري جدا ً في منتدى التقنية والحاسب

ويفضــل لو تكتـب عليه (( ارجــوا التثبيـت )) يكون لها طعم أحسن

:: ثانياً ::
خـذ لك موضـوع جـديد من أي منتدى ---> الطشهـ واكتبـه باسمك مره ثانيه في نفس المنتدى ويفضــل تكتب عليـه ((( فكــره جديدة )))...
(( هنا المشــرف يـدوخ .... ما يدري وين المكـرر عشــان يحــذفه ))

:: ثالثاً ::
لا تشارك في أي منتدى ولا ترد على أحد وبعدين أطلب من الإدارة تحطك عضو فعال وكل يوم أرسل تظلّم حتى لو محد عطاك وجه ؟؟

(( صدقني إذا ما قالوا لك اقلب وجهك ... اضمن لك بيرقونك إلى عضو كاره نفسه))

:: رابعاً ::
اكتب موضوع في منتدى الشكـاوي والاقتراحات (( الفزعة يا شباب )) --> طبعـا بيجيك المشرف طاير واكتب في الموضوع (( واحــد صفــر ............ وجنبها صـوره واحــد يضحــك )) (( وفي هذي اضمن لكم الطرد السريع

:: خامساً ::
شوف لك مشرف وتلزق فيه ... كل يوم أرسله رسائل خاصة تقـول له
شو رأيك في ذاك الموضــوع .. أحـس انه باااايخ احذفه لو سمحت.. ولا ذاك الموضـوع رهيـب ثبته لو سمحت ...
((( هنا المشـرف يكره اليوم اللي خلـوه فيه مشــرف )))

:: سادساً ::
دقق في إملاءات المشرفين ... ورد عليهم فقط لتصحيح الإملاء ولا تجيب سيرة الموضوع

:: سابعاً وأخيراً ::
عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة شغالة بالوسايط (( هــذي تغنيــك عن كل الوســائل اللي راحــت))

خخخخخخخخخخخخخ

توصون شئ شباب ماأظن انكم بتشوفوني بعد اليوم